Detaje të reja janë bërë me dije në lidhje me vrasjen e efektivit të Forcave Shqiponja, Novruz Cenalia në Fier. Raportohet se vëllai i autorit Asllan (Azgan) Menrica është një i dënuar me 19 vite burg për vrasje. Mësohet se autori është vëllai i Kiri Menricës, i cili akuzohet se në vitin 2019 ka vrarë me thikë Florian Selimin. Për vrasjen e këtij të fundit ai ka pasur dhe një bashkëpunëtor, Sadri Selacin.
Mësohet se pasi e kanë masakruar me thikë Selimin, Mernica dhe Selaci ia kanë hedhur trupin në një kanal, ku u gjet pas disa orësh kërkime. Në janar 2023 Gjykata e Fierit i ka dënuar me 19 vite burg dy autorët, Kiri Mernica dhe Sadri Selaci.
Policia ka nisur kerkimet për kapjen e Asllan (Azgan) Menricës. Ky i fundit pasi ka qëlluar me armë zjarri Novruz Cenalian është larguar me një makinë ngjyrë blu. Policia e Fierit bën me dije se ngjarja ka ndodhur pas njjë konflikti të çastit. Në ndihmë të Policisë së Fierit kanë shkuar dhe Forcat RENEA. Për ata që japin informacion për autorin, Policia ka vënë 30 mijë euro shpërblimo
