Vijojnë kërkimet për Azgan Mërnicën, autori i vrasjes së efektivit Novruz Cenalia në Fier. Kontrolle janë ushtruar edhe në Gjirokastër e Tepelenë, kjo për shkak se ka dyshime se autori mund të tentojë që të kalojë kufirin dhe të largohet për në Shqipëri.
Pasi ka qëlluar me plumb në kokë Cenalian, Mërnica është larguar me një makinë ngjyrë blu, të cilën më pas e ka lënë tek shtëpia e dajës dhe është arratisur. Efektivi që mbeti i vrarë kishte rreth një muaj që ishte martuar, ndërsa momentin kur ndodhi ngjarja ishte duke ikur në punë pasi ishte turni i dytë. Deri më tani vrasja dyshohet të ketë ardhur pas një sherri të çastit për kalimin në një rrugë të ngiushtë. Për kontroll nga ajri është duke u përdorur një dron. Kryepolici Muhamet Rrumbullaku dhe ministri i Brendshëm Taulant Balla reaguan ashpër për ngjarjen. Ndërkohë për “kokën” e autorit, Policia ka vënë 30 mijë euro shpërblim për këdo që jep informacion.
