Ka nisur sot në Gjykatën e Apelit në Tiranë seanca gjyqësore për 14-vjeçarin Mario Përlleshaj, i akuzuar për vrasjen e bashkëmoshatarit të tij, Martin Cani, ngjarje që ndodhi pranë shkollës “Fan Noli” në Tiranë më 18 tetor.
Seanca zhvillohet me dyer të mbyllura dhe po udhëhiqet nga gjyqtarja Elona Mihali. Përlleshi është akuzuar për “Vrasjen me dashje të kryer ndaj të miturit” dhe “Prodhimin, mbajtjen, blerjen apo shitjen pa leje të armëve të ftohta”.
Ngjarja e rëndë ka ndodhur pas një konflikti mes dy të rinjve që ka eskaluar në përdorimin e thikës.
Pas sulmit, Martin Cani ka humbur jetën nga plagët e marra, ndërsa Përlleshaj ka pësuar dëmtime dhe ka kërkuar trajtim spitalor. Pas trajtimit, ai u transferua në burgun e të miturve në Kavajë.
Viktima, Martin Cani, pas goditjes me thikë në bark, humbi jetën në spital, ndërkohë që edhe shoku i tij i ngushtë, Luis Meçaj u plagosur nga ky sherr i cili nuk mësonte në të njëjtën shkollë me to, po stërviteshin në të njëtin klub futbolli.
