Mbrëmjen e sotme, një grup i vogël të rinjsh, prindërish, mësuesish dhe aktivistësh të shoqërisë civile u mblodhën në sheshin “Gensher” në qendër të Elbasanit, rreth orës 17:00.
Qëllimi i kësaj tubimi ishte reagimi ndaj ngjarjes tragjike të vrasjes së 14-vjeçarit Martin Cani, e ndodhur në shkollën 9-vjeçare “Fan Noli” në Tiranë.
Protestuesit, mes tyre organizatorë dhe pjesëmarrës, kërkuan masa konkrete për rritjen e sigurisë në shkolla.
Të pranishmit mbanin pankarta me mesazhe të qarta, duke kërkuar mbrojtje dhe siguri më të madhe për fëmijët.
”Zgjidh paqen , jo dhunën”,”Jeta është e vyer, mbroje”, “Është më mirë të flasësh dhe të denoncosh, apo të vdesësh”?”, thuhet në disa pankarta.
