Në emisionin Open në News 24 u diskutua ngjarja e rëndë në Tiranë, ku u vra 14-vjeçari Martin Cani.
Avokati Andi Hasanaj deklaroi se policia mund ta mbante ngjarjen hermetike, por shtoi se duhet të ecej më shpejt me hetimet.
Ndërsa, ish-drejtuesi i policisë Arben Hajdarmataj u shpreh se nëse ngjarja manipulohet, do të ishte skandal.
Fatjon Gjinaj: Një person i tretë ka qenë i përfshirë në ngjarje, por një i afërm i tij ka thënë se nuk ka konstatuar person të tretë, i cili mund të ketë pasur mjet prerës. Institucionet kishin paqartësi për ngjarjen. Pas kësaj, media është përpjekur të shkojë më tej për këtë ngjarje, me burime të saj. Ngjarja sigurisht ka impakt publik, sepse ka rëndësi të madhe për sigurinë e fëmijëve shqiptarë. Ne akoma nuk e dimë nëse në krim është përdorur një thikë apo më shumë.
Arben Hajdarmataj: Ngjarja ende nuk është zbardhur plotësisht, edhe pse kanë kaluar disa ditë. Të lë pa fjalë fakti që ka kaluar kohë dhe nuk mund të bëhen veprime shumë më vonë. Sepse prsh nëse ka një plagë, përcaktimet bëhen në ditët e para dhe jo pas shumë kohësh. Nëse mjekësia ligjore thotë se nuk ka bërë ekspertizë akoma, është e palogjikshme që të bëhet me vonesë. Kanë dalë njohje e lidhje në këtë ngjarje. Probabiliteti që një adoleshent të shkaktojë kaq shumë plagë është i vogël. Autori i dytë që pretendohet se ka qenë në vendngjarje ka babanë në sistemin e drejtësisë më duket. Nëse ngjarja manipulohet do ishte skandal. Prokurori duhet t’ia tregojë videon, që pretendon policia se është e qartë. Këto janë pretendime, nuk po themi se është kështu.
Bledar Bejko: Duhet kuptuar se Tirana është e madhe dhe ngjarje të tilla ndodhin shumë, ku shumë fëmijë lëndohen gjatë sherreve.Janë shumë veprime, që janë komplekse.
Andi Hasanaj: Policia të mbante ngjarjen hermetike, por të ecte shpejt dhe me hetimin, që njerëzit të dinin se çfarë ka ndodhur. Ka pasur deklarime kontradiktore dhe kjo e bën të vështirë zbardhjen e saktë të ngjarjes. Duhet ta dinim nëse kishte një thikë në vendngjarje apo dy, këtë mjekësia ligjore duhet ta bënte më herët.
