Para tre ditësh një ngjarje e rëndë ndodhi në Tiranë, pasi një sherr për arsye banale u bë i përgjakshëm.
Ngjarja e rëndë ndodhi pak pas mesnatës (14 dhjetor), në një supermarket në Tiranë në rrugën Irfan Tomini, ndërsa shkak u bë sherri mes dy personave se kush do paguante i pari tek kasa.
Jurgen Duka, 29 vjeç mbeti i vrarë si pasojë e sherrit me oficerin e policisë në Dibër Arbër Sula, ku debati nisi për rradhën e pagesës në nëj market të Tiranës.
Gjykata e Tiranës arrestoi shokun e Jurgen Dukës, i cili ishte prezent përgjatë ngjarjes, ndërsa ka dje gjykata ka vendosur masën detyrim paraqitje për Orgest Drazhin.
Drazhi u arrestua dy ditë më parë për moskallëzim krimi, ndërsa masa e sigurisë u caktua nga gjykata ditën e djeshme.
Konflikti nisi për radhën e kryerjes së pagesës në supermarket, ndërsa viktima Jurgen Duka ka tentuar t’i paguaj edhe pijet policit Sula. Pagesa është tentuar të bëhet me idenë “nuk më plas mua, unë paguaj edhe pijet e tua”. Kjo ka sjell acarimin e policit, i cili e ka kundërshtuar, e pas konfliktit e ka qëlluar me plumb në zemër.
Fillimisht Jurgen Duka mbeti i plagosur dhe ndërroi jetë në spitalin e Traumës në Tiranë pasi plumbi e preku në zemër.
Kujtojmë që autori i vrasjes, me detyre agjent krimesh me detyrë në Dibër, është shpallur në kërkim nga policia.
