Një ditë më parë trupi i pajetë i një 34-vjeçari u gjet i pajetë në një kanal në zonën e Fushë-Krujës. Këtë të shtunë policia bëri të mundur arrestimin e 2 personave të dyshuar për vrasjen e tij. Bëhet fjalë për 2 vëllezër, Sajmir dhe Landi Miri të cilët dyshohet se kanë vrarë shtetasin Indrit Ndoj.
Ndërkohë është zbardhur dhe dëshmia e tyre para autoriteteve. 2 vëllezëritmësohet se kanë shprehur penesë për aktin e kryer dhe sipas dëshmisë ata nuk kanë pasur si qëllim ta vrisnin 32-vjeçarin, por situata iu ka dalë nga duart. Ata kanë bërë me dije se në momentin që janë larguar, Ndoj ka qenë gjallë.
“Nuk kishim për qëllim ta vrisnim. Po situata na doli nga kontrolli pasi na sulmoi dhe na ofendoi rëndë. Ai (Ndoj) ishte në gjendje të rëndë, pasi kishte konsumuar lëndë narkotike. U takuam te vendi për të sqaruar një muhabet të vjetër. Nuk është se kishim ndonjë konflikt të hapur me të, gjithçka ndodhi aty për aty pasi na sulmoi. Nuk ishte i vetëdijshëm. Ai tentoi të na qëllonte dhe për tu mbrojtur e qëllova. Më pas u larguam. E lamë të gjallë. Dhe s’menduam se kishim bërë ndonjë plagosje të rëndë. Por për fat të keq kaçavida kishte prekur damarin kryesor (arterjen femorale) . Vetëm kur dëgjuam në mëngjes që kishte vdekur. Aty na kapi paniku. Nuk dinim ca të bënim. Jemi penduar shumë, pasi nuk ishte nevoja që situata të arrinte në këtë pikë pa kthim pas. Jemi shumë të penduar”, mësohet të kenë deklaruar vëllezërit Miri.
Ngjarja duket të ketë ndodhur për motive banale, kjo sipas dëshmisë së autoëve, por edhe të familjarëve të cilët janë shprehur ditën e djeshme se një ditë para krimit kanë folur me të ndjerin dhe ai nuk kishte shfaqur shenja shqetësimi.
Kujtojmë se 34-vjeçari ka qenë i arrestuar në shtator të 2021 për trafik klandestinësh
A po shembet perandoria e Ermal Beqirit në AKSHI? Rikthimi i Gerond Meçes sinjalizon fundin e një epoke në tenderat e teknologjisë
Zhvillimet e fundit në sektorin publik të teknologjisë së informacionit në Shqipëri tregojnë qartë se monopoli i gjatë i Ermal...
