Donald Trump ka mbajtur një konferencë për shtyp, ku ka folur mbi sulmin nga gjeneralit iranian Qassem Soleimani.
Ai ka thënë se SHBA nuk kërkon të ndryshojë regjimin në Iran, por të vendos paqe në rajon.
Sipas tij, agresioni i Iranit për të destabilizuar rajonin është i madh por tashmë është koha që të përfundojë.
Më tej, Trump u shpreh se Soleimani kishte planifikuar sulme të reja më të mëdha ndaj stukturave të SHBA të vendosura në rajon.
Kështu, vrasja e tij shënon parandalimin e një lufte dhe jo nisjen e saj.
” Mbretërimi i tij i terrorit ka mbaruar, Ishte duke planifikuar sulme të tjera më të rënda. Morëm masa për të ndaluar, jo për të filluar një luftë. Ne nuk kërkojmë ndryshimin e regjimit në Iran. Agresioni i Iranit për të destabilizuar fqinjët duhet të përfundojë” – u shpreh Donald Trump gjatë konferencës.
Vrasja e gjeneralit iranian, Qasem Soleimani, ka ngjallur reagime të shumta.
Irani dhe SHBA mund të përfshihen në një konfrontim të drejtpërdrejtë ushtarak.
Dhjetëra mijëra iranianë kanë protestuar në rrugë, madje edhe kanë djegur flamurin amerikan.
