Vrasja e gjeneralit iranian, Qasem Soleimani, ka ngjallur reagime të shumta.
Irani dhe SHBA mund të përfshihen në një konfrontim të drejtpërdrejtë ushtarak.
Dhjetëra mijëra iranianë kanë protestuar në rrugë, madje edhe kanë djegur flamurin amerikan.
Së fundmi, ka reaguar edhe kryeministri Edi Rama.
Me anë të një statusi në Twitter në të cilin ka etiketuar edhe presidentin e SHBA-ve Donald Trump, Rama shkruan se aprovon me forcë qëndrimin e Amerikës.
“Si një vend që kemi njohur pak kohë më parë veprimtarinë e padrejtë të Iranit kundër botës së lirë dhe mori distancë të qartë prej tyre, Shqipëria nuk mund të mos e aprovojë me forcë qëndrimin e presidentit Donald Trump ndaj një aktivisti keqdashës të regjimit të Teheranit! Ne jemi të vendosur në krah të SHBA-ve dhe shpresojmë se të gjithë do të veprojnë si ne,”-shkruan Rama.
Më herët edhe Partia Demokratike mbështeti këtë veprim të SHBA-së, duke e cilësuar si një akt të fortë lidershipi dhe mbrojtje e vlerave demokratike e të paqes.
