Një raport i Organizatës së Kombeve të Bashkuara, që analizoi drejtësinë pas vrasjes së George Floyd, u ka bërë thirrje vendeve anëtare, duke përfshirë Mbretërinë e Bashkuar, që t’i japin fund “faljes” për oficerët e policisë, që shkelin të drejtat e njeriut të njerëzve me ngjyrë.
Analiza e zyrës së OKB-së për të drejtat e njeriut për 190 vdekje në të gjithë botën çoi në përfundimin se oficerët e zbatimit të ligjit rrallë mbahen përgjegjës për vrasjen e njerëzve me ngjyrë për shkak të hetimeve të mangëta dhe mosgatishmërisë për të njohur ndikimin e racizmit strukturor.
Sipas “The Guardian”, raporti global me 23 faqe dhe punimi i tij në dhomën e konferencave me 95 faqe, përmban shtatë shembuj të vdekjeve të shkaktuara nga policia, përfshirë rastin e Kevin Klarke, i cili vdiq pasi u ndalua nga oficerët në Londër në 2018.
Studime të tjera të rasteve përfshijnë Luana Barbosa dos Reis Santos dhe João Pedro Matos Pinto në Brazil; George Floyd dhe Breonna Taylor në SHBA; Janner García Palomino në Kolumbi; dhe Adama Traoré në Francë.
Zyra e OKB për të drejtat e njeriut u ngarkua në qershor të vitit 2020, për të prodhuar një raport gjithëpërfshirës mbi racizmin sistemik kundër njerëzve të zinj. Raporti u drejtua nga Michelle Bachelet, komisionere e lartë e OKB për të drejtat e njeriut dhe një ish-presidente e Kilit.
“Unë po u bëj thirrje të gjitha shteteve që të ndalojnë mohimin dhe të fillojnë çmontimin e racizmit; t’i jepet fund mosndëshkimit dhe të ndërtohet besimi; për të dëgjuar zërat e njerëzve me origjinë afrikane; dhe për t’u përballur me trashëgiminë e kaluar dhe për të dhënë dëmshpërblim”, tha Bachelet.
