Vrasja e Elgi Progës ka sjellë edhe përplasjen e institucioneve në vend. Prokuroria e Korçës akuzoi dje se inspektori i Policisë, Artur Lilo nuk e kishte dokumentuar vrasjen, ndërsa përgjigja iu dha sot me një reagim zyrtar nga ana e Policisë së Shtetit.
Mes revoltës publike, në vend që të lëvizin për të zbardhur ngjarjen në mënyrë të drejtë dhe transparente, institucionet kanë disa ditë që “luajnë” për të pasuar fajin
“Fakti është se punonjësi i Patrullës së Përgjithshme, Inspektor A.L., i dyshuar për veprën penale “Shpërdorimi i detyrës”, nuk ka asnjë lidhje me hetimin policor të ngjarjes dhe as me operacionin e policisë për kapjen e autorit. Hetimi i ngjarjes kryhet nga Oficerët e Policisë Gjyqësore dhe grupi hetimor në drejtimin e Prokurorisë, ndërsa punonjësit e Patrullës së Përgjithshme kanë të tjera detyra funksionale në vendngjarje, përjashtuar ato hetimore,“-shkruhet ndër të tjera në njoftimin e Policisë.
Egli Proga ndërroi jetë të shtunën, si fillim ngjarja u raportua si aksident, ku u tha se viktima humbi jetën pasi u rrëzua në rrugë, por pas pretendimit të familjarëve se ishte dhunuar, rezultoi se ai vdiq si pasojë e plagëve të marra nga dhunimi që iu bë nga Meçe, teksa u la për 30 minuta i shtrirë në rrugë.
