Detaja të reja janë zbuluar mbi vrasjen e efektivit të Forcave të Ndërhyrjes së Shpejtë (FNSH) në Shkodër, Xhulio Prelës.
Mësohet se konflikti mes Xhulio Prelës dhe dy autorëve dyshohet të ketë nisur pas një sherri momental.
Bëhet me dije se autorët dhe viktima janë konfliktuar për dritat e gjata të makinës së njërës prej tyre që rrezatonin mbi palën tjetër.
Ndërkohë autorët e vrasjes Nikoll Sherrniku dhe shtetasi Brilant Martinajn, janë identifikuar nga kamerat e një karburanti. Është bërë me dije se falë pajmeve të siguruara nga kamerat, rezulton se autorët ishin të veshur me rroba ushtarake dhe sapo ishin kthyer nga gjuetia.
Policia ditën e sotme ka arrestuar Nikoll Sherrnikun 21-vjeç, i cili dyshohet si një nga autorët e vrasjes së Prelës, ndërkohë që është shpallur në kërkim ndërkombëtar shtetasi Brilant Martinajn.
Kujtojmë se ngjarja e rëndë ka ndodhur më 5 dhjetor, rreth orës 02.00, kur efektivi i FNSH-së, Xhulio Prelës po kthehej nga Lezha drejt Tiranës.
Ngjarja:
Xhulio Prela sipas prokurorisë së Lezhës u vra pas një debati të çastit për dritat e gjata të makinës. Autorët janë konfliktuar rreth kësaj çështje. Sipas prokurorisë, autori i dyshuar kryesor për ngjarjen kishte dalë për gjah natën e krimit, më 5 dhjetor dhe është filmuar nga kamera e një karburanti kur ka furnizuar makinën 3 minuta para ngjarjes. Në pamjet e kamerave të sigurisë, autori rezulton i veshur me rroba ushtarake./Gazetareforma.com/
