Një ngjarje e rëndë ndodhi mbrëmjen e sotme në qytetin e Elbasanit ku u ekzekutuan me armë zjarri dy persona. Shtetasit që mbetën të vrarë janë Ardian Çollaku dhe Lulzim Bitri. Ngjarja ndodhi në hyrje të qytetit të Elbasanit në vendin e quajtur “Rrethrrotullimi i Luleve” dhe dyshohet se është qëlluar nga një automjet në lëvizje në drejtim të dy personave.
Si pasojë njëri prej tyre shtetasi Lulzim Bitri rreth 35 vjec nga Katundi i Ri Elbasan ka ndërruar jetë në vendngjarje, ndërsa personi tjetër Ardian Çollaku, ka ndërruar jetë në Spitalin Rajonal Elbasan. Po ashtu nga burime zyrtare bëhet me dije se në ndihmë të policisë vendore janë nisur FNSH dhe RENEA dhe një grup specialistësh nga Departamenti i Policisë Kriminale. Bëhet me dije se jo shumë larg vendit të krimit në zonën e metalurgjikut po digjet një automjet tip “Volo”, dyshohet i autorëve.
Njoftimi i Policisë
Elbasan/Informacion paraprak
Në Bradashesh, afër rrethrrotullimit të luleve dyshohet se nga një automjet në lëvizje eshte qëlluar me armë zjarri në drejtim të dy personave këmbësore.
Si pasojë njëri prej tyre shtetasi Lulzim Bitri rreth 35 vjec nga Katundi i Ri Elbasan ka ndërruar jetë në vendngjarje, ndersa personi tjetër Ardian Çollaku, ka ndërruar jetë në Spitalin Rajonal Elbasan.
Policia ka mbritur në vendngjarje dhe ka ngritur pika kontrolli.
Në ndihmë të policisë vendore janë nisur Fnsh e Renea dhe një grup specialistësh nga Departamenti i Policisë Kriminale në PSh.
Te metalurgjiku po digjet një automjet tip “Volo”, dyshohet i autorëve.
Është rrethuar zona po vijon krehja për kapjen e autorëve.
Grupi hetimor nën drejtimin e Prokurorisë vijon punën për fiksimin e cdo prove ligjore që do çonte në zbardhjen e ngjarjes, identifikimin dhe kapjen e autorëve
