Prokuroria e Tiranës ka ngritur akuza ndaj Vladimir Kolës për “Vrasje me paramendim” dhe “Mbajtje pa leje dhe prodhimi i armëve”, ndërsa katër të pandehurit e tjerë, me inicialet Gj.K., K.A., E.H., dhe Z.K., janë akuzuar për “Moskallëzim krimi” dhe “Përkrahje të autorit të krimit”.
Ky krim i rëndë ndodhi në kompleksin “Kodra e Diellit” më 30 tetor 2022, duke tronditur Tiranën.
Sipas hetimeve të Prokurorisë, konflikti mes vëllait të viktimës, Briken Sanaj, dhe vëllezërve të Vladimir Kolës ka nisur në vitin 2012, pas ngacmimit të të fejuarës së Brikenit.
Hetimet zbuluan se autori ka udhëtuar nga Barcelona në drejtim të Aeroportit të Podgoricës dhe ka hyrë në Shqipëri në mënyrë të paligjshme.
Pas kësaj, ai bleu një automjet duke përdorur targat e një mjeti tjetër. Automjeti u gjet i djegur pas vrasjes së Briken Sanaj, ndërsa arma e krimit ishte brenda tij.
Pas krimit, autori ka kaluar sërish në Mal të Zi në mënyrë të paligjshme.
Prokuroria ka përfunduar hetimet dhe ka dërguar për gjykim të pestë të pandehurit për vrasjen e Briken Sanaj dhe mbështetje të autorëve të krimit.
