Ruzhdi Hoxha u gjet i ekzekutuar dhe i groposur në Qafë-Mollë në Dajt. Hoxha ishte shpallur i zhdukur prej 2 javësh, ndërsa Policia ra në gjurmët e tij ditën e djeshme pasi u gjet xhupi i tij me njolla gjaku dhe një shenjë plumbi i hedhur mes shkurreve në Qafë Mollë. Më pas përmes nuhatjes së qenve të policisë vetëm sot është gjetur edhe trupi i pajetë. Për shkak të terrenit të vështirë, trupi i Hoxhës u nxor pas disa orësh nga forcat RENEA. Trupi i viktimës është gjetur i mbuluar me zhavorr ndërkohë që ka qenë gjysmë i dekompozuar. Kjo vërteton se ai mund të jetë vrarë që në ditën e parë të zhdukjes së tij rreth dy javë më parë.
Gykata e Tiranës ka caktuar masën ‘arrest me burg’ për Fredi Rrushin, i cili akuzohet se rrëmbeu dhe vrau shokun e tij biznesmen, Ruzhdi Hoxha.
Po ashtu, kjo masë u dha dhe për Pajtim Rrushin, i cili dyshohet se ndihmoi të vëllain që të fshihte trupin e pajetë në Qafë Mollë, duke e mbuluar me zhavor në një humnerë.
Kujtojmë se vëllai i autorit të dyshuar kishte refuzuar disa ditë që të dorëzonte makinën të autoritetet, e cila përdorur për krimin.
Pas hetimeve, shumë fakte implikonin 42-vjeçarin, i cili akuzohet për veprat penale “Veprime që pengojnë zbulimin e të vërtetës” dhe “Fshehje ose asgjësim i kufomës”, i dyshuar si bashkëpunëtor në ngjarje.
