Në shkurt të vitit të kaluar 66-vjeçari Behar Sofia,u qëllua me dy plumba një prej të cilave kishte kapur kokën.
Ditën e sotme SPAK ka lëshuar urdhërarrest për urdhëruesin e dyshuar për vrasjen e biznesmenit Behar Sofia. Burime bëjnë me dije se SPAK kërkon arrestimin e shtetasit Jemin Sheraj, si i dyshuar për urdhrin.
Gjatë hetimeve të kryera nga SPAK, Sheraj rezulton të jetë ulur në kafe me Skënder Vathin, i arrestuar më herët si i dyshuar për vrasjen e Sofisë. Pasi u arrestua në Mal të Zi Shyti vendosi të bashkëpunojë me drejtësinë. 66-vjeçari Behar Sofia u vra më 25 shkurt 2021 në mes të Tiranës, teksa pati disa të arrestuar.
Kujtojmë që Behar Sofia ka pasur një emër tjetër Fatmir Sofia dhe e ka ndërruar më vonë. Ai është nga Berati dhe dikur ka pasur edhe një televizion lokal. Emri i tij lidhet me biznesmenin turk të drogës Adbulselam Turgut, i cili kishte krijuar edhe një celulë në Shqipëri.
Në deklaratat e herëpashershme, gazetarët e krinikës Artan Hoxha dhe Klodiana Lala e kanë përmendur Behar Sofian, i cvili njihej edhe Fatmir Sofia. Hoxha dhe Lala kanë deklaruar se ai ka qenë prezent kur janë vrarë katër efektivët e policisë së Shtetit, në tentativë për të arrestuar Dritan Dajtin, në vitin 2009, ngjarje e cilësuar edhe si Masakra e Durrësit. Sipas gazetarëve 66-vjeçarit i është vënë lëndë eksplozive, që i ka pasur afër stadiumit Dinamo në Tiranë, por që tashmë nuk i ka më.
