Ruben Saraiva, shtetasi portugez i akuzuar për vrasjen e biznesmenit Ardian Nikulaj, është paraqitur këtë të hënë në Gjykatën e Lezhës.
Seanca pritej të shoqërohej me dëshmi nga persona të thirrur si dëshmitarë, por asnjë prej tyre nuk është paraqitur në sallë.
Saraiva u ekstradua nga Maroku në Shqipëri më 31 dhjetor 2023, pas një vendimi të Gjykatës së Marokut që pranoi kërkesën e autoriteteve shqiptare.
Që prej mbërritjes në vend, ai ndodhet në paraburgimin e Tiranës dhe po gjykohet për akuzat “vrasje për gjakmarrje” e kryer në bashkëpunim dhe “armëmbajtje pa leje”. Ai ka mohuar në mënyrë të vazhdueshme përfshirjen në krim.
Për këtë ngjarje të rëndë në Shëngjin, të ndodhur në prill 2023, janë të akuzuar gjithashtu katër shtetas britanikë që dyshohet se ndihmuan në organizimin dhe realizimin e vrasjes, si dhe Edmond Haxhia, i identifikuar si porositës dhe organizator i atentatit me motive gjakmarrjeje.
Për të gjithë të dyshuarit e tjerë, përfshirë britanikët dhe Haxhinë, Gjykata e Londrës ka marrë vendim për ekstradim dhe ata pritet të dorëzohen autoriteteve shqiptare në javët në vijim për t’u përballur me drejtësinë.
