Kanë qenë të shumtë personazhet VIP që kanë reaguar për vrasjen e Albert Krasniqit ditën e djeshme në Kosovë. Ndër ta ka qenë edhe Ledri Vula, i cili ka pasur miqësi me viktimën.
Ledri ka ndarë një foto ku duket i afërt me të ndjerin dhe në të shkruan:“I lehtë të qoftë dheu Brada”.
Reperi i njohur Ledri Vula ka qenë dikur pjesë e BABASTRAS dhe njohja e tij me Krasniqin me sa duket ka qenë e vjetër. Reper të tjerë kanë reaguar gjithashtu për ndarjen nga jeta të mikut të tyre. Menaxheri i VIP-ave Albert Krasniqi u vra ditën e djeshme në Prishtinë me armë zjarri nga babai i tij. Mësohet se viktima ka pasur një përplasje me të atin, para se ngjarja fatale të ndodhte. Krasniqi ishte i martuar me ish-miss Kosovën, Brsa Gashin, me të cilën kishte edhe një vajzë të vogël. Dyshja në fjalë kishte njoftuar divorcin pak ditë më parë, ndërsa para vrasjes Krasniqi e kishte dhunuar ish-bashkëshorten duke e bërë për spital. Kjo dyshohet të jetë edhe arsyeja për të cilën ai ka pasur konflikt me babain e tij i cili i kishte kërkuar të dorëzohej në polici. Ndërkohë, më herët policia e Kosovës ishte vënë në ndjekje të Krasniqit, madje i kishte bastisur edhe shtëpinë.
