Tashmë janë kaluar ditë nga vdekja e Admir Muratajt dhe ditën e sotme Gjykata e Krimeve të Rënda pritej që të niste procesi ndaj këtij të fundit, por kjo nuk është bërë e mundur.
Gjykata i ka quajtur të pamjaftueshme dokumentacionin e sjellë nga Prokuroria dhe i ka dhënë asaj 2 javë kohë për të plotësuar dosjen e Murataj, ku përpos certifikatës së vdekjes të jenë edhe prova të tjera të tilla si akt ekspertime të vendit të ngjarjes dhe viktimës.
Gjykata e ka marrë këtë vendim për arsyen sepse ende nuk është përcaktuar se kush e ka vrarë Muratajn, kështu që do duhet që brenda dy javësh, Prokuroria të mbledhë gjithë informacionin e nevojshëm.
Gjithashtu është vendosur që seanca e radhës do të mbahet në datë 2 maj në orën 09:00 dhe njëkohësisht prokuroria duhet të ketë edhe pretencën gati.
