Protestuesit e mbledhur përpara ministrisë së Brendshme për tu sensibilizuar me vrasjen e 25-vjeçarit Klodian Rasha nga policia, sa vijnë e bëhen më shumë.
Pas grumbullimit, është tensionuar edhe situata para ministrisë së Brendshme, pasi qytetarët kanë çarë kordonin policor dhe janë futur në ambientet e jashtme të ministrisë.
Ka qenë fillimisht reperi Arkimed Lushaj “Stresi” që është ulur këmbëkryq dhe ka ndezur një qiri, i ndjekur më pas edhe nga protestues të tjerë, por më pas qytetarët janë qetësuar dhe janë rikthyer në sheshin ku po protestojnë.
Ndërkohë vazhdojnë thirrjet dhe sharjet kundër ministrit Lleshaj dhe qeverisë, ndërsa protestuesit i kanë bërë thirrje edhe policisë “Hiqni Kapelet”./Gazetareforma.com/
