Një ngjarje e rëndë ndodhi një ditë më parë në Vlorë, ku mbeti i vrarë me armë zjarri shtetasi Xhuljano Bullari, 25-vjeç nga Elbasani. Detaje të reja kanë dalë në dritë në lidhje me këtë ngjarje të rëndë ku sipas “News24 “, ka dyshime se 25-vjeçari është qëlluar për vdekje me dy plumba në kokë nga pasagjeri.
Burime bëjnë me dije se policia e Vlorës, ka shoqëruar në polici 10 persona në lidhje me këtë ngjarje.
Sjellim në vëmendje se trupi i pajetë i 25-vjeçarit është gjetur nga kalimtarët e rastit, brenda makinës së tij Fiat Punto me targa TR 3437 R. Sipas rezultateve paraprake përveç plagëve me armë zjarri nuk janë konstatuar shenjta të tjera dhune apo të jenë konstatuar henatoma. Viktima është gjetur dje pranë zonës së quajtur “Qafa Topit” në afërsi të fshatit Babicë të Vlorës, në një rrugë dytësore.
Deri më tani nuk dihen rrethanat e ngjarjes së rëndë, ndërsa policia po heton për ndonjë konflikt të mundshëm që mund të ketë pasur i riu.
Po ashtu Xhuljan Bullari nuk është emër i panjohur për policinë, pasi në vitin 2018 ishte arrestuar për dhënie ndihmë të emigrantëve të paligjshëm sirianë, ku u kap bashkë me një të ri tjetër duke transportuar 7 shtetas sirianë.
