Një ngjarje e rëndë tronditi Greqinë pak ditë më parë, ku një 20-vjeçare britanike u vra në mënyrë makabre në sy të foshnjës dhe burrit të saj nga disa grabitës. Por duket se hetimet për ngjarjen e rëndë që ndodhi në Glyka Nera, po shkojnë drejt identifikimit të autorëve.
Sipas mediave të huaja Mediat policia greke ka identifikuar një kriminel, karakteristikat e të cilit janë shumë të ngjashme me ato të personit të përshkruar nga bashkëshorti i të ndjerës, piloti 32-vjeçar.
Sipas një raporti nga Open, autoritetet janë përqendruar në kërkimin e të ashtuquajturit informator, pasi është shumë e rëndësishme që të zbulohet se si është marrë informacioni nga ana e autorëve në lidhje me situatën financiare të kësaj familje të re.
Në “mikroskop” një i dyshuar specifik
Bëhet e ditur se numri i të dyshuarve që po hetohen nga policia po shkon drejt zvogëlimit. Autoritetet tashmë kanë identifikuar 10 të dyshuar që mund të kenë qenë në mes të autorëve dhe po përqendrohen tek ata. Në fakt, nga këta 10 ka një person specifik, karakteristikat e të cilit duket se janë të ngjashme me një përqindje të madhe, me ato të përshkruara nga piloti 32-vjeçar.
Ndërkohë, vijojnë hetimet, ndërsa nuk përjashtohet dhe mundësia që bashkëshorti mund të ketë pasur dorë në vrasjen e Caroline, e cila la pas një vajzë 11-muajshe.
