Tashmë pas vetërdorëzimit në polici të Islam Mylkajt, vrasësit të Haxhi Baçinozit kanë dalë edhe fjalët e para të tij nga dëshmia që ka dhënë.
Sipas Ballkanweb, 61-vjeçari, Mylkaj iu ka thënë hetuesve se nuk është nisur për ta vrarë Baçinozin, por e ka takuar atë rastësisht.
“Jam penduar, e vrava në gjaknxehtësi e sipër. Tek liqeni e takova rastësish. Më shau dhe më goditi. Konflikti ynë është i hershëm për 45 mijë euro. Haxhiu më përndiqte edhe vajzat për këtë borxh. Familja ime kërcënohej prej tij vazhdimisht.” -mësohet të ketë thënë ai në polici.
Gjithashtu sipas Mylkajt ai e mbante armën me vete pikërisht për shkak të kërcënimeve që kishte marrë nga Baçinozi.
Baçinozi është ekzekutuar në 16 mars në orën 18:15 tek Liqeni Artificial i Tiranës ndërkohë që ishte duke vrapuar me të birin.
