Nën masat e rënda të sigurisë, dy autorë të dyshuar për vrasjen e 19-vjeçarit Grei Bihuci dhe plagosjen e shokut të tij, 20-vjeçarit Olti Serjanaj, janë paraqitur në gjykatën e Fierit. Florjan Muka dhe Klajdi Muka do të përballen sot me masat e sigurisë për akuza të vrasjes në bashkëpunim dhe mbajtjes pa leje të armëve të ftohta. Florjan Muka, 18 vjeç, u arrestua pasi goditi me thikë për vdekje Grei Bihucin në qendër të qytetit, ndërsa Klajdi Muka u arrestua një ditë më pas në hetimet e thelluara. Konflikti, i cili nisi në rrjetet sociale në dhjetor të vitit të kaluar për shkak të një thike, përfshiu disa persona, duke përfunduar në një përleshje fizike me viktima të rënda. Dosja hetimore tregon se në ditën e ngjarjes, persona të përfshirë ishin dy të arrestuarit, Grei Bihuci, Olti Serjanaj, Nebi Alimadhi dhe dy persona të paidentifikuar, që ishin bashkë me Nebiun dhe Grei Bihucin. Trupi gjykues do të dëgjojë dëshmitë e të rinjve për të vendosur masën e sigurisë.
Përdoren si vrasës me pagesë/ Suedia ul moshën e dënimit penal në 14 vjeç pas rritjes së krimeve nga fëmijët
Suedia do të ulë moshën minimale të përgjegjësisë penale nga 15 në 14 vjeç, njoftoi kryeministri Ulf Kristersson më 9...
