Para 10 viteve ka ndodhur vrasja e Eglantina Buçit, ku sipas prokurorisë u urdhërua nga babai i saj Faiku, ndërsa i vëllai Shkëlzeni e ekzekutoi. Trupi i vajzës u gjet në “Malin me Gropa” më 14 shtator 2012, në vendin e quajtur “Mali i Fagut”, në komunën Shëngjergj dhe u zbulua pas 8 vitesh nga rrëfimi i të penduarit Miklar Tola.
Ndërkohë ditën e sotme Gjykata e Tiranes dënon Faik e Shkëlzen Buçin, babë e bir që vranë Eglantina Buçin.
Gjykata pranoi kërkesën e Prokurorisë, e cila kishte kërkuar 25 vite burgim për Faik e Shkëlzen Buçin.
Ngjarja ka ndodhur në vitin 2012 dhe është zbardhur nga Policia 8 vite më vonë, pasi një nga të përfshirët në vrasje është bërë i penduar i drejtësisë.
Babë e bir e kanë mohuar vrasjen, por provat janë kundër tyre, ndaj dhe më herët Prokuroria ka refuzuar t’i lirojë nga qelia. Faik Buci ka kërkuar ndryshimin e masës së sigurisë, por i është refuzuar nga Gjykata.
Vrasja e të resë dyshohet se ka ndodhur pasi babai dhe i vëllai nuk janë pajtuar me dëshirën e saj për t’u fejuar me një person në Tiranë. Togat e zaza pritet të caktojnë seancën gjyqësore për të vendosur për dënimin e dy familjarëve që vranë vajzën e tyre.
Asokohe 23 vjeçe, Eglantina Buci u vra nga vëllai i saj Shkëlzeni, në bashkëpunim me babain Faik Buci dhe një shokun e Shëlzenit, M.T., i cilësuar tashmë si i penduari i drejtësisë. Ajo u vra dhe u gropos në Malin me Gropa, dhe u deshën 8 vite që të zbardhej e gjithë ngjarja.
Eshtrat e viktimës u konstatuan nga kafshët, më pas nga një gjahtar i zonës i cili lajmëroi policinë.
Është bërë akt-ekspertiza mjeko-ligjore e disa eshtrave të gjetura në zonën e Malit me Gropa më datë 14 shtator 2012, sipas së cilës u bë me dije se janë gjetur një kafkë me një pjesë të nofullës së poshtme, kocka të njërës shpatull si dhe tre kocka të tjera të gjata tubulare me pak mbetje lëndësh të buta.
Në 21 mars 2018, është bërë rikqyrja e eshtrave të gjetura në vendngjarje, kryesisht kqyrjes së hollësishme të pjesës së nofullës së poshtme të djathtë. Nga kjo kqyrje është konstatuar se në anën e djathtë në skajin e lirë të saj ka një dëmtim kockor me diametër 1 cm, ku ka një krisje të lehtë.
