Deputetët e Partisë Demokratike kanë grisur fletët e votimit, ndërsa po mbahet seanca për të votuar Kryetaren e Parlamentit, post për të cilin është propozuar ish-ministrja e Arsimit, Lindita Nikolla.
Në mënyrë demonstrative, depuetët demokratë kanë grisur fletët teksa drejtoheshin për te kutia e votimit.
Edhe vetë kryetari Lulzim Basha ka bërë të njëjtin veprim, i cili më herët e kishte porositur grupin parlamentar të mos votonte për Lindita Nikollën si Kryetare e Kuvendit. Ndryshe kanë vepruar deputetët e LSI dhe kryetarja e kësaj partie, Monika Kryemadhi. Po ashtu ka marrë pjesë në votim edhe Vangjel Dule, i cili u zgjodh deputet në aleancë me PD-në. Flamur Noka e Edi Paloka, që u panë sot në krah të Berishës, kanë vepruar njëjtë si pejsa tjetër e grupit parlamentar të PD.
Nga ana tjetër, kryeministri Edi Rama është shfaqur i habitur përballë këtij veprimi, ndërsa qëndronte në karrigen e tij më Kuvend.
Ndërkohë, i vetmi deputet i opozitës që nuk është bashkuar me këtë veprim, është ish-kryeministri Sali Berisha. Ai u largua nga Kuvendi menjëherë pasi përfundoi betimin si deputet,
Kujtojmë që ditën e sotme mbahet seanca e parë e Parlamentit të dalë nga zgjedhjet e 25 prillit. Seenca po drejtohet nga deputetja më e vjetër në moshë, që është Luljeta Bozo.
