Ushtruesja e detyrës së presidentit të Kosovës, Vjosa Osmani, ka deklaruar se ishte gjë e mirë që Kosova votoi pro gjykatës Speciale.
Në një intervistë për televizionin publik të Kosovës, presidentja Osmani tha se UÇK-ja është e popullit dhe jo e individëve.
“Duhet ta kuptojmë se ky është akt i Kuvendit të Kosovës.”, -deklaroi Osmani.
Kryeparlamentarja po ashtu përmendi argumentin e ish presidentit Thaçi se nëse nuk do të votohej Specialja në Kuvend, atëherë kjo do të ishte në dorën e Këshillit të Sigurimit të OKB-së.
Po ashtu, Osmani përmendi edhe krimet e kryera nga Serbia. Ajo u pyet se sa e dëmton imazhin e Kosovës aktakuza e Zyrës së Prokurorisë Speciale.
“Askush nuk mund ta gjykojë luftën e UÇK-së. Nuk ka qenë asnjëherë ushtri e individëve, por e popullit. Prandaj duke qenë ushtri e popullit – nuk mund të ketë sukses përpjekja për gjykimin e luftës për liri,” -tha Osmani në RTK./Gazetareforma.com/
