Bashkimi Evropian ka nisur veprime ligjore kundër gjigandit farmaceutik AstraZeneca rreth mungesave të dorëzimit të vaksinës së tij të koronavirusit, tha të hënën Komisioni Evropian.
“Komisioni ka filluar të Premten e kaluar një veprim ligjor kundër kompanisë AstraZeneca në bazë të shkeljeve të marrëveshjes së përparuar të blerjes,” tha zëdhënësi i Komisionit të BE Stefan De Keersmaecker.
Veprimi ligjor nisi në emër të 27 vendeve anëtare të bllokut, shtoi ai. AstraZeneca iu përgjigj veprimit ligjor të BE të hënën duke thënë se ishte pa meritë dhe u zotua të mbrohej fort në gjykatë.
“AstraZeneca ka përmbushur plotësisht Marrëveshjen e Blerjes me Komisionin Evropian dhe do të mbrojë fuqimisht veten në gjykatë. Ne besojmë se çdo çështje gjyqësore është pa meritë dhe ne e mirëpresim këtë mundësi për të zgjidhur këtë mosmarrëveshje sa më shpejt të jetë e mundur,” tha AstraZeneca në një deklaratë.
Organi ekzekutiv i BE tha se po padiste AstraZeneca për dështimin e saj për të respektuar një kontratë për furnizimin e dozave të vaksinës dhe për të mos pasur një plan “të besueshëm” për të siguruar shpërndarjet në kohë. Sipas kontratës, kompania ishte zotuar të bënte “përpjekjet e saj më të mira të arsyeshme” për të shpërndarë 180 milion doza vaksinash në BE në tremujorin e dytë të këtij viti, për një total prej 300 milionësh në periudhën nga dhjetori në qershor.
Por kompania tha në një deklaratë në 12 Mars se do të synonte të jepte vetëm një të tretën e kësaj. Një javë pas kësaj, Komisioni i BE i dërgoi një letër ligjore kompanisë në hapin e parë të një procedure zyrtare për të zgjidhur mosmarrëveshjet.
