Kryetarja e Komisionit Hetimor për Koncesionet në Shëndetësi, Albana Vokshi, refuzoi dje që ish-ministri i Shëndetësisë, Ilir Beqaj, të prezantojë deklaratën e tij të mbrojtjes përmes një “prezantimi PowerPoint”, siç e quajti ajo.
Vokshi i kërkoi Beqajt që të japë deklaratën e tij të mbrojtjes dhe pastaj të përgjigjet për pyetjet e deputetëve, një kërkesë që u kundërshtua nga deputetët e partisë socialiste.
Megjithatë, ish-ministri Beqaj ka ardhur sërish sot në Kuvend, por me një tjetër qasje. Në vend të prezantimit të mëparshëm me PowerPoint, ai ka sjellë një set me foto që dokumentojnë gjendjen e spitaleve para implementimit të koncesionit për sterilizimin, në vitin 2013.
Kjo lëvizje e Beqajt duket se synon të paraqesë një tjetër këndvështrim mbi situatën para dhe pas zbatimit të koncesionit në sektorin shëndetësor.
