Ditën e sotme anija “Mati” e Forcës Detare shqiptare, shpëtoi 2 peshkatarë në det të hapur, në perëndim të gadishullit të Karaburunit, të cilët kishin dhënë alarmin për ndihmë.
Dy peshkatarët u gjetën 8.8 milje larg Kepit të Gjuhëzës, nga anija e gatshme në ishullin e Sazanit, siç bëjnë me dije burime policore.
Mësohet se inicialet e peshkatarëve janë G.L dhe A.H ndërsa mjeti lundrues “Syri 2366”. Ai u rimorkiuan pa probleme në Triport.
Nuk dihet ende avaria që mund të kenë pësuar ata në det të hapur.
