Autori i masakrës së Selenicës, Ritvan Zykaj ka dalë sot para trupës gjykuese.
Zykaj që pas seances së sotme do të mbrohet nga një tjetër avokat pasi avokati i mëparshëm nuk paraqitej në seancat gjyqësore ndaj të pandehurit.
Kujtojmë se Ritvan Zykaj vrau me armë zjarri tetë persona, nga të cilët dy të mitur. Në deklaratat e tij të para autori i masakrës tha se i vrau për shkak se e akuzonin për vjedhjen e pulave.
Tetë personat që u vranë nga dora e Ritvan Zykajt janë; Demir Zykaj 76 vjeç, Perri Zykaj 76-vjeç, Besim Zykaj 45-vjeç (i biri), Vasilika Zykaj 40 vjeç (bashkëshorte e Besimit), Sara Zykaj 17 vjeçe (vajza e Besimit) Ledion Zykaj 6 vjeç (djali i Besimit), Azem Zykaj 49 vjeç (i biri), Afërdita Zykaj 47- vjeç (bashkëshorte e Azemit).
Ndërkohë është theksuar se seanca e radhës ndaj Zykës do të mbahet më 7 maj.
Një muaj më parë prokuroria e Vlorës konfirmoi se do të kërkohet burgim i përjetshëm për Zykajn.
