Reshjet e dendura të shiut të nisura pas mesditës së sotme kanë sjellë përmbytjet e disa akseve dhe kryqëzimeve në qytetin e Vlorës. Rruga “Hasan Kushta” rruga “Gjergj Araniti” aksi pranë Kishës Ortodokse dhe bibliotekës publike si dhe pjesë të bulevardit “Ismail Qemali”janë përmbytur nga ujërat e shumtë, ndërsa kanë sjellë probleme në lëvizjen e mjeteve. Reshjet po bien me intensitet të lartë, ndaj dhe prurjet e ujit janë të shumta. Rruga lidhwse e e autostradës Vlorë-Fier me Transballkaniken është përmbytur nga uji. Kështu edhe automjetet dhe këmbësorët kanë hasur vështirësi në lëvizje për shkak të prezencës së madhe ujit në rrugë e trotuare. Për të normalizuar situatën është ndërhyrë nga punonjës të shërbimeve të bashkisë Vlorë në hapjen e pusetave dhe kanalizimeve.Por situata vijon të jetë e rënduar. Më herët bashkia e Vlorës me një njoftim paralajmëroi qytetarët që të mos parkonin mjetet në segmentet problematike të qytetit,referuar përmbytjeve
Mashtrim nëpërmjet Call Center-ave, gjashtë të arrestuar në Tiranë
Policia e Shtetit ka finalizuar një tjetër fazë të operacionit ndërkombëtar të koduar “Platforma”, i cili ka si qëllim goditjen...
