VKM-ja që lë Fakultetin e Gjeologj- Minierave pa godinë duket se nuk është pritur fare mirë nga studentët e këtij insitucioni.
Ditën e sotme Asambleja e Përgjithshme me këtij fakulteti ka paralajmëruar bojkot pa afat të mësimit, nëse nuk merren masa dhe nuk shfuqizohet VKM-ja brenda 15 ditëve
Në një deklaratë të dalë nga mbledhja, Asambleja ka shprehur mbështetjen e saj për protestën e studentëve dhe ndër të tjera kërkon edhe shfuqizimin e Ligjit të Arsimit të Lartë.
“Solidarizohet me APA të fakulteteve të tjera dhe mbështet idenë e një mbledhjeje të përgjithshme mes përfaqësuesve të fakulteteve”, thuhet në njoftim.
“Sipas vendimit të qeverisë, godina e Fakultetit të Gjeologjisë dhe Minierave, me të gjitha hapësirat e saj kalon nga administrimi i Ministrisë së Arsimit dhe i Universitetit Politeknik në atë të Ministrisë së Drejtësisë. “Objekti do të përdoret në funksion të qëllimit dhe veprimtarisë së Gjykatës së Lartë”,-thotë VKM-ja.
