Presidentja e Kosovës, Vjosa Osmani, ka dhënë një intervistë për BBC, ka është shprehur se Kosova i pret me zemërgjerësi refugjatët afganët. Gjithashtu, presidentja e Kosovës ka përmendur faktin se edhe ajo vetë ka qenë refugjate, prandaj e ndjen edhe më shumë këtë situatë të vështirë.
“Janë skena që ta thyejnë zemrën. Edhe unë kam qenë refugjate dhe e ndjejmë këtë çdo ditë. Askush nuk dëshiron ta lërë shtëpinë e tij, derisa nuk janë të detyruar për shkak të dhunës”, tha fillimisht Osmani.
“Me shumë gjasë ne do t’i kemi ata më shpejt se që e pritnim. Në fillim menduam se ata do të vinin për disa javë dhe se mund të kemi më shumë kohë për t’u përgatitur. Brenda tri ditëve, do të merret vesh edhe për datën e saktë se kur do të vijnë ata.
Nëse ne nuk punojmë së bashku nuk do të jemi në gjendje të kemi sukses. Në rastin e Kosovës vetëm kur SHBA-ja, Mbretëria e Bashkuar dhe anëtarët e tjerë të NATO-s ishin së bashku arritën ta mposhtin regjimin e Millosheviçit.
Askush nuk e lë vendin pse dëshiron, por për shkak të dëshpërimit… Nëse Kosova, një shtet i vogël mund ta bëjë këtë, çdo vend tjetër mundet”, u shpreh presidentja Osmani mes të tjerash.
