Presidentja e Kosovës, Vjosa Osmani ka qenë ditën e sotme në një vizitë zyrtare në Austri. Vjosa Osmani ka thënë gjatë fjalës së saj se parakusht për arritjen e zgjidhjes me Serbinë është vendosja e drejtësisë. Osmani ndër të tjera ka theksuar se kërkojnë drejtësi jo hakmarrje dhe gjithashtu kërkojmë kthimin e eshtrave të personave të zhdukur.
“Historia ka dëshmuar se çdo herë ku ka pasur luftë ajo që ka qenë parakusht për paqen, ka qenë drejtësia. Kërkojmë drejtësi, jo hakmarrje. Kërkojmë që të na kthehen eshtrat e personave të pagjetur. E shoh drejtësinë si parakusht për paqe të qëndrueshme dhe do të insistojmë për këtë”, është shprehur Osmani gjatë konferencës së përbashkët me homologun austriak, Van Der Bellen.
Më tej Osmani ka thënë gjatë konferencës se për zgjidhjen e çështjes me Serbinë, opsion është njohja reciproke e cila sipas saj është e domosdoshme. Gjithashtu ajo ka thënë se Serbia nuk mund të luaj me dy karta.
“Zgjidhja për ne është njohja reciproke që për ne është e domosdoshme. Asnjë zgjidhej tjetër nuk do të mund të sillte paqe të qëndrueshme për rajonin tonë.
Serbia nuk mund të luajë me dy karta erdhe me Rusinë edhe me BE-në. Duhet ta zgjedh se cila është rruga e saj”, ka thënë presidentja e Kosovës, Vjosa Osmani.
