Personi që shihni në foto është Xhevahir Hoxha, 61-vjeçari i cili masakroi me thikë partneren e djalit të tij, Merushe Hazizin. 61-vjeçari Xhevahir Hoxha, vrau me thikë të fejuarën e djalit të tij dhe më pas vrau dhe veten. Në momentin që ka ndodhur krimi në banesë ndodheshin vetëm 30-vjeçarja dhe Hoxha, ndërkohë bashkëshortja e këtij të fundit dhe djali nuk ishin të pranishëm.
Gjatë ditës së premte ka folur dhe babai i së ndjerës, i cili akuzon dhëndrin e tij për vrasjen e së bijës. Duke folur për mediat Sadush Hazizi thotë se vajzën e tij nuk e vrau xhevahiri por Fatjoni, i cili la gruan e parë për Merushen. Në banesën që shihni në foto jetojnë 3 fëmijët e saj të cilët janë pa nënë dhe me një baba që akoma i mohon. Për ta kujdeset vetëm gjyshi i cili punon në bujqësi.
Sadushi, babai i Merushes, mban të hapura dyert e shtëpisë për të pritur ngushëllime për të bijën që ndërroi jetë nga dora e të vjehrrit, I cili e masakroi me thikë pasi nuk e pranonte si nusen e djalit. Në dorë gjatë gjithë ditës mban pasaportën e saj, dhe fotografia është i vetmi ngushëllim.
“Vajzën nuk ma vrau Xhevahiri, por Fatjoni. La gruan e parë për vajzën time. Më tha e dua. I thashë nëse nuk shkoni mirë ma sill vajzën në shtëpi. Ma çoi vajzën në atë shtëpi për të ma vrarë. Fëmijët e Merushes i kam mbaj unë dhe do ti mbaj unë. Djali i vogël ka lindur tek unë”, tha Sadush Hazizi, babai i viktimës.
