Ditën e sotme Fieri është tronditur nga një krim në familje, ku 61-vjeçari Xhevair Hoxha ka vrarë me thikë nusen e djalit të tij, Merushe Hazizin.
Ndërkohë që të tjera detaje po zbulohen për ngjarjen e rëndë që ndodhi sot në fshatin Vidhistë të Roskovecit, ku një 61-vjeçar i identifikuar si Xhevair Hoxha vrau nusen e djalit, 30 vjeçe.
Bëhet me dije se vjehrri jetonte prej disa kohësh me djalin dhe bashkëjetuesen e tij në një shtëpi.
30-vjeçarja Merushe Azizi ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 2 vite që bashkëjetonte me shtetasin Fatjon Hoxha Kunata e Xhevair Hoxhës tha se autori i krimit e kishte paralajmëruar djalin se do ta vriste së bashku me bashkëjetuesen e tij.
“I thoshte mos e merr për shtëpi por djali nuk e dëgjonte, ai nuk e donte nuse për shtëpi. I kishte thënë gjithmonë djalit unë do të vras ty, nusen dhe do vritem vetë. Ajo ishte e martuar kishte fëmijë por nuk e donte atë dhe mori djali në shtëpi. Si familje ishin në rregull, normalisht punonin”, tha kunata e 61-vjeçarit që kreu krimin.
Një e moshuar, fqinje me to shprehet se përgjithësisht si familje ishin të rregullt dhe punonin.
“Ajo ka dy vite që jetonte këtu, ka ardhur nga një fshat tjetër. Grindje nuk e di a kishte grindje por si njerëz ishin shumë punëtor. Ai punonte dhe fitonte, ne na vjen keq se i kishim fshatarin tonë. Nuk e di si janë rrethanat”, u shpreh një e moshuar.
