Ditën e sotme u zbuluan të tjerë emra nga bota e krimit, të cilët priten të goditen shumë shpejt, ku në sy ranë emrat e dy grave, të parat në këtë listë pasi deri më tani janë përmendur vetëm burra.
Lexo:Publikohen të tjerë emra pjesë e listës së OFL, mes tyre edhe dy gra
E para është Albertina Konomi, pjesë e një bande në Athinë në Greqi, që ka kryer 33 grabitje.
Konomi është arrestuar në vitin 2016, pasi së bashku me bandën, kishte rrahur për vdekje një të moshuar greke.
Emri i dytë është ai i një 24-vjeçareje nga Vlora, Desilvja Menajn një emër i njohur për mediat dhe drejtësinë, pasi Menaj u arrestua 4 vite më parë, sepse tentoi të gjobiste të dashurin biznesmen, me inicialet E.C.
Ajo e shantazhonte me mesazhe kërcënuese se familja e tij do të merrte vesh aferën jashtë-martesore të biznesmenit nëse ai nuk i jepte 15 mijë euro.
Mesazhet e biznesmenit me Desilvja Menajn:
Desilvja Menaj: Ke kohë deri në orën 16:00 sot, të hedhësh në llogari 15.000 euro përpara se familja të marrë vesh historinë tënde. Emri: Desilvja Menaj, R…Bank. Mos harro që kam foto, kartëvizitën me emrin tënd, me data me të gjitha, di shtëpinë tënde zotëri. Kam aq arsye sa të vi që sot. Edhe mos guxo të bësh lojëra, (mos e qaj me njeri hallin) dhe e gjitha mbyllet këtu në mënyrë të drejtë.
Biznesmeni E.C: Nuk e di për ça po flet, po ky sms që tani shkon në prokurori.
Desilvja Menaj: Coje dhe prapë familja e merr vesh. Nuk jam vetëm zotëri, mendoje mirë, se boll e kam menduar një vit rresht sa i kam mbledh gjithë gjërat bashkë. Shko dhe çoje dhe shikoji gjërat si do shkojnë. As ta pret mendja ça jam e aftë. Coje, deri në 4 fix. Ke për ta parë.
Desilvja Menaj: Fjalë burrash, kjo është gjoba e ulët për ty dhe betohem në emër të familjes sime, mua s’ke për të më parë e dëgjuar më. Kshu duhej, unë në pritje jam, ça rruge do zgjedhësh.
Pas kallëzimit penal të biznesmenit gjykata e dënoi me 1 vit e 4 muaj, ndërkohë që ajo përfitoi nga aministia e vitit 2016.
Nuk dihet arsyeja përse të rejat janë në këtë listë pasi në Qendrën Kombëtare të Biznesit, asnjëra nga vajzat nuk kanë asnjë biznes në emër të tyre.
