Dy persona ende të paidentifikuar kanë vjedhur një shumë parash rreth 220 mijë euro një taksisti dhe më pas janë larguar. Ngjarja ka ndodhur sot në zonën e Ish Bllokut
Autorët dyshohet se kanë pasur dijeni se taksisti do merrte para nga një pikë exchange dhe do i dërgonte ato tek një bankë e nivelit të dytë. Raportohet se shuma e grabitur përllogaritet të jetë rreth 220 mijë euro, sipas deklarimit të dhënë nga taksisti para policisë. Policia ka arritur në këtë përfundim, pas këqyrjes së kamerave të sigurisë. Mësohet se paratë që taksisti po transportonte nga pika e exchange drejt bankës së nivelit të dytë i takojnë një personi tjetër. Policia ka identifikuar këtë person dhe po e merr në pyetje. Vijon puna për të identifikuar autorët e grabitjes.
