Tre grabitësit dhe vrasësit e 20-vjeçares Carolina në Greqi kanë bërë shumë gabime në krimin e tyre, të cilat do t’i dërgojnë në pranga. Emisioni “Dritë në Tunel” ka publikuar disa dëshmi të reja të personave që i kanë parë grabitësit. Një grua ka telefonuar gjatë emisionit dhe pretendon se ka parë dy persona teksa depozitonin një shumë të madhe parash brenda në një ATM.
“Ata, nga ankthi, i vendosën paratë në makinë të gjitha bashkë dhe iu bllokuan. Kërkuan ndihmë nga i dashuri im që t’i ndihmonte,”-tregoi ajo duke pohuar se ua mbante mend fytyrat. Ndërsa edhe bashkëshorti i 20-vjeçares ka dhënë dëshmi të rëndësishme për Polcinë. Përveç provave si; flokë, djersë dhe gjetje të tjera gjenetike, Policia greke po bazohet edhe tek përshkrimi i tij për kapjen e autorëve.
Ai ka rrëfyer se dy prej grabitësve ishin rreth 1.80 të gjatë, të hollë dhe mbanin veshur kapuça. Ndërsa i treti ishte më i shkurtër, me gjatësi rreth 1.70 cm dhe më i mbushur në trup. Ajo që vuri re piloti 32-vjeçari është edhe fytyra e tij, në një moment kur ai hoqi maskën. Mediat greke raportojnë se ai ua ka përshkruar atë autoriteteve.
Ngjarja e rëndë ka ndodhur në Greqi pak ditë më parë, ku katër persona të cilët shkuan për të grabitur një shtëpi në Greqi, përfunduan duke vrarë një 20-vjeçare, qenin, dhe torturuar bashkëshortin e saj. Gruaja 20-vjeçare u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj Haralambos Anagnostopoulos ishte i lidhur në një karrige në dhomën e gjumit. Ishte ai që njoftoi Policinë duke i rënë telefonit me hundë, por bashkëshortja kishtë ndërruar jetë prej kohësh. Pranë saj ndodhej foshnja, që fatmirësisht është në gjendje të mirë.Policia dyshon se krimi është bërë nga një bandë greko-shqiptare.
