Më 10 prill kryeministri italian Giuseppe Conte ka njoftuar zgjatjen e izolimit të vendit deri në 3 maj, duke u shprehur se masat e marra kanë dhënë fryte, por nuk duhet të rrezikojnë, duke çuar në rritjen e numrit të viktimave.
LEXO:Dekreti i ri/ Italia e “kyçur” deri më 3 maj, Conte: “Nuk mund të rrezikojmë më shumë”
Teksa ditët kanë kaluar dhe data e hapjes është shumë pranë, dje Giussepe Conte ka bërë të ditur masat e reja lehtësuese, ku pritet të hapen industritë prodhuese dhe të ndërtimit, ndërsa sa i përket shkollave do të hapen në shtator.
Po ashtu, Conte u shpreh se sektori i turizmit është prekur rëndë dhe nuk ka shans të korrigjojë vetë humbjet e akumuluara, andaj qeveria po përgatit një plan për ringritjen e tij.
LEXO: Italia drejt çlirimit/ Conte shpall planin e ri: Ja çfarë parashikohet, nga bizneset tek shkollat
DItën e sotme kreu i qeverisë italiane vizitoi Milanon, ku për herë të parë pas goditjes nga koronavirusi u ndal në Lombardi dhe tha se ky nuk është momenti për t’u dorëzuar pasi po bëhen shumë sakrifica.
”Faza 2 është e bashkëjetesës me virusin, jo e lirisë”- qartësoi Conte.
Kryeministri Conte ka hedhur poshtë idenë se Lombardia dhe Milano t’i kthehen normalitetit si zonat e tjera, sepse sipas tij nuk janë kushtet që Rajoni i Lombardisë t’i kthehen normalitetit.
“Ne po bëjmë shumë sakrifica, kjo nuk është koha për të hequr dorë. Nuk mund të ketë liri për gjithçka. Kjo qeveri nuk kërkon konsensus, ajo dëshiron të bëjë gjërat e duhura edhe nëse kjo mund të mos kënaqte qytetarët“.
Në përgjigje të kritikave se pse ai nuk nuk vizitoi Lombardinë gjatë kësaj periudhe, Conte u përgjigjet:
“Prania ime këtu në Lombardi do të kishte krijuar një pengesë në fazën më të mprehtë të urgjencës shëndetësore. Le të mos hedhim të gjitha sakrificat e bëra në det“, tha si.
Në 24 orët e fundit janë regjistruar 333 viktima dhe 1, 739 raste pozitive, duke e çuar numrin e përgjithshëm të viktimave në 26, 977, ndërsa numri i të prekurve ka arritur në 199, 414.
