Kryeministri Edi Rama, ka udhëtuar drejt Stambollit ditën e djeshme, në kërkim të vaksinave kineze për t’i sjellë në Shqipëri. Pritet që sot të finalizohet edhe marrëveshja me një kompani turke për këto vaksina kineze.
Pak minuta më parë, kreu i shtetit ka bërë dhe një postim në faqen e tij zyrtare në Twitter, ku premtoi për qytetarët se vetëm me qeverinë e tij, do t’ia dalin të fitojnë luftën kundër “Covid-19”. “Në Stamboll për shumë vaksina. O ia dalim, o ia dalim, s’ka tjetër dhe po s’ia dolëm ne, askush tjetër nuk ka si ia del dot!”, shkroi kryeministri në faqen e tij zyrtare në Tëitter.
Pas vizitës së tij në Stamboll, Rama do të mbërrijë sot në Shqipëri dhe ka njoftuar për konferencë për shtyp në orën 13:00, në ambientet e aeroportit “Nënë Tereza”. Pas konferencës për shtyp, Rama do të ketë miting edhe në sheshin “Skënderbej”, në orën 18:00 të pasdites së sotme. Nga dita e sotme gjithashtu, nis zyrtarisht edhe fushata zgjedhore e partive politike në Shqipëri, 30 ditë para datës së zgjedhjeve në vend.
Në Stamboll për shumë vaksina🙏 O ia dalim o ia dalim, s’ka tjetër dhe po s’ia dolëm ne askush tjetër nuk ka si ia del dot!
— Edi Rama (@ediramaal) March 25, 2021
