Viti i ri shkollor në Maqedoninë e Veriut nuk do të fillojë me 1 shtator ashtu siç ishte parashikuar, por me 1 tetor. Ky lajm u bë i ditur nga vetë kryeministri maqedonas Zoran Zaev në një deklaratë para kuvendit, pas dorëzimit të propozim përbërjes dhe programit të qeverisë së re.
Kjo sipas Zaev, do të bëhet me qëllim që të krijohet hapësira e duhur për krijimin e protokolleve shëndetësore.
“Viti shkollor nuk do të fillojë më 1 shtator. Për shkak të përgatitjes së protokolleve shëndetësore, mësimi duhet të nisë më 1 tetor. Vendimi do të merret në seancën e parë të qeverisë, në të cilën do të miratohen edhe ndryshimet ligjore për mbarëvajtjen e procesit mësimor”, tha Zaev.
Ndërkohë kujtojmë se një javë më parë Maqedonia e Veriut mori vendimin për mënyren sesi do të zhvillohet mësimii dhe se nxënësit nga klasa e parë në të tretë do të zhvillojnë mësimin në shkollë, ndërsa të tjerët online.
Ky lajm u bë i ditur nga vetë ministi i Shëndetësisë Venko Filipçe. Ai tha gjithashtu se prindërve të nxënësve deri në klasë të tretë do t’u jepet edhe mundësia e zgjedhjes. Atyre iu lind e drejta që të kërkojnë që fëmijët e tyre mos të shkojnë në shkollë, por ta zhvillojnë mësimin online.
