Viti i ri ka nisur me probleme të vjetra për Britaninë e Madhe, ku duket se ndalimi i hyrjeve të emigranteve është një mision i pamundur.
Rreth 44 emigrantë janë sjellë në breg në Mbretërinë e Bashkuar, në kalimin e parë me varka të vogla të vitit të ri. Emigrantët u kapën nga Forcat Kufitare të Mbretërisë së Bashkuar dhe u dërguan në Dover. Autoritetet franceze thonë se dy varka të tjera me 80 emigrantë u futën në vështirësi në Kanal të hënën dhe u kthyen në Calais.
Vitin e kaluar, një rekord prej 45,756 njerëzve ia dolën të bënin këtë udhëtim, numri më i lartë që nga fillimi i regjistrimeve në 2018, shkruan BBC. Kjo shënon një rritje prej rreth 60% krahasuar me një vit më parë.
Qeveria ka njoftuar një sërë masash në 12 muajt e fundit për të trajtuar çështjen e emigrantëve në varka të vogla që bëjnë udhëtimin e rrezikshëm përgjatë kanalit anglez. Kujtojmë se qeveria britanike ka arritur marrëveshje me Shqipërinë për emigrantët e paligjshëm. Kryeministri britanik Rishi Sunak bëri publike marrëveshjen për frenimin e emigracionit shqiptar, e cila do të përshpejtojë deportimet. Sunak në Parlament tha se 1/3 e azilkërkuesve janë shqiptarë, të një vendi të begatë e të sigurt, teksa njoftoi se 400 specialistë britanikë do të zbarkojnë në Rinas për të ndalur emigrantët.
Ky plan masash erdhi pas ebisedës telefonike që pati Sunak me kryeministrin Edi Rama. Tema e shqiptarëve në Britani të Madhe ka qenë tepër e lakuar duke kujtuar këtu debatin që ka përfshirë vendin mbi numrin e emigrantëve të paligjshëm që mbërrijnë me varka nëpërmjet kanalit të ‘La Manshit’. Kjo nxiti reagimin e madh nga ana e shqiptarëve në Britani të Madhe, të cilët organizuan edhe protestë të madhe në
