Këtë të hënë viti akademik nisi ndryshe nga vitet e tjera për studentët dhe për pedagogët. Shkak është bërë bojkoti që po zhvillojnë pedagogët, të cilët nuk tërhiqen nga kërkesat e tyre ndaj qeverisë. Tirana, por jo vetëm e nisi vitin e ri akademik me bojkot, pasi edhe unviersitetet e rretheve i janë bashkuar thirrjes.
Profesori Arjan Gjini, kreu i sindikatës së pedagogëve në Gjirokastër deklaroi se bojkoti do të vijojë deri në plotësimin e kërkesave të tyre.
“Stafi akademik dhe studentët i kanë mirëpritur këtë protestë. I jemi bashkuar protestës, pasi prurjet janë të ulëta. Nëse do ecim me këto ritme, do mbyllet ky universitet. Ne kërkojmë që ligjvënësit të gjejnë rrugët e duhura dhe të rijetëzohet jeta në Universitete. kjo është një bashkëpunim i brendshëm. nëse do hyjmë në auditorë, ato janë boshë. Askush nuk është në auditorë. Ne përpiqemi që kjo protestë të arrijë rezultatin e duhur, që të plotësohen kërkesat. Ka disa problematika që i janë bashkuar protestës. Ne do të mblidhemi dhe të shpresojmë që protesta të jetë në të mirë të arsimit të lartë në Shqipëri.”, tha Gjini.
Ndërkohë, edhe Universiteti ‘Aleksandër Moisiu’ është bojkotuar mësimi nga ana e pedagogëve, ku stafi akademik vijon protestën.
E njëjta situatë ndodh dhe në universitetin e Shkodrës “Liugj Gurakuqi”, si dhe në atë të Elbasanit “Aleksandër Xhuvani”.
