Vendi i parë që ka pritur Vitin e Ri 2022 është Zelanda e Re . Ndërrimi i viteve ka ndodhur tashmë në shtetin ishull në pjesën jugperëndimore të Oqeanit Paqësor me rreth 5 mln banorë. Spektakli i ngjyrave mbizotëroi për disa minuta për të sjellë atmosferën që karakterizon ndërrimin e viteve.
Monumentet qendrore të Auckland-it u ndezën të premten në mbrëmje, pasi qyteti kaloi 128 ditë të vitit 2021 në izolim.
Ndërkohë në atmosfereë festive Ura e Portit të Auckland, Sky Toëer dhe Muzeu Përkujtimor i Luftës në Auckland u ndezën nga ora 21:00, me një shfaqje të plotë me dritë të planifikuar për mesnatë. Shfaqja tradicionale dhe e shumëpritur e fishekzjarreve u anulua për shkak të rrezikut të Covid-19 mes turmave që mblidheshin për të parë fishekzjarrët.
Në vend të kësaj, anëtarët e publikut mund të shikonin tre shfaqjet e lehta nga shtëpia, të transmetuara drejtpërdrejt në ekranet e tyre.
Kujtojmë që Viti i Ri prezanton ripërtëritjen e jetës, ndërsa zakonet e traditës për kremtimin e saj, edhe pse me shekuj kanë pësuar modifikime, ato, sot e kësaj dite i kanë ruajtur specifikat e tyre esenciale. Viti i ri është festë: e gjendjes së mirë, e urimeve dhe dëshirave më të mira, shoqërimit, argëtimit, ngritjes së dollive, tryezave të begatshme, e zbukurimit dhe shkëmbimit të dhuratave të ndërsjella.
Kremtimi i Vitit të Ri është njëra ndër traditat më të vjetra rituale e shprehur gati tek të gjithë popujt e botës, pa marr parasysh racën, fenë, kombin, dhe përkatësitë e tyre të ndryshme. Disa hulumtues mendojnë se, kremtimin e festës së Vitit të Ri, fillimisht e kanë aplikuar kinezët, ndërsa një grup tjetër mendon se kjo traditë e ka zanafillën e vetë e ka nga romakët e vjetër dhe gjermanët.
