Kompania prestigjioze e makinave “Volvo” ka njoftuar se në vitin 2021 do të limitojë shpejtësinë e të gjithë makinave të reja në 180 km/orë.
Kompania deklaroi se limiti i shpejtësisë do të jetë i përhershëm dhe përdoruesit nuk do të kenë mundësi që ta heqin atë.
Ata shprehen se plani për të limituar shpejtësinë në 180km/orë në të gjithë automjetet e vitit 2021, është pjesë e një projekti të vitit 2020, për të shmangur dhe ulur aksidentet rrugore.
Megjithatë ky limit shpejtësie nuk do të aplikohet te automjetet elektrike të performancës “Polestar” të “Volvo”.
Por një kufizim i shpejtësisë së makinave nuk është diçka unike dhe markat gjermane si “BMW dhe “Mercedes” shpesh e kufizojnë automjetin e tyre në një shpejtësi maksimale prej 250 km /orë – pavarësisht nga fuqia e tyre.
Raporti më tej vuri në dukje se kufiri i ” Volvo” në 180 km / orë është shumë më i lartë se kufiri maksimal i shpejtësisë në shumicën e vendeve.
