Italia po përballet me një valë të dytë infektimesh dhe kjo është shumë shqetësuese për të gjithë, pasi vala e parë që ishte në mars e goditi rëndë jo vetëm ekonomikisht por edhe me humbje jetësh.
Për të shmangur një mars të dytë që mund të jetë në fund të muajit nëntor, ish-kreu i mbrojtjes civile në Itali, Guido Bertolaso, e sheh të vështirë këtë situatë me të cilën po përballet vendii i tij.Sipas tij me një ndalesë të përgjithshme, nga njëra anë mund të ndalohet përhapja e shpejtë e Covid-19 si dhe i lejon sistemit që të riorganizohet.
“Unë mendoj se do të ishte më mirë që për një muaj të ndalonim çdo gjë në vend, menjëherë. Ende kemi kohë që mos të shkojmë në shifrat e muajit mars. Le të rivendosim Italinë, pa pritur për të parë nëse masat e reja kanë qenë efektive”, tha ai në një intervistë për “Corriere della Sera”.
Bertolaso është shprehur se ndryshimi i vetëm duke e krahasuar situatën me marsin, është se “në atë kohë epidemia kishte të bënte me Lombardinë dhe Veneton, ndërsa tani ajo përfshin të gjithë Italinë” dhe “virusi është përhapur kudo”.
Nga të dhënat, sipas Bertolasos, “është e qartë se në mes të muajit të ardhshëm kurba e infeksioneve, shtrimeve në spital dhe vdekjeve do të ketë një rritje të paqëndrueshme nëse masat drastike nuk merren menjëherë”.
