Koronavirusi në Shqipëri nuk po lë pa kapur as personazhe të rëndësishëm, sado të kujdesshëm që mund të jenë ata.
Në radhën e njerëzve të njohur që janë prekur nga ky virus ka qenë edhe djali i madh i kryeministrit Edi Rama, Greg Rama.
Ky i fundit ka preferuar që të ndajë me ndjekësit e tij në rrjetet sociale këtë eksperiencë që siç e ka konsideruar edhe ai, ka qenë e vështirë por që tani është më mirë dhe e ka fituar betejën me virusin.
Përmes një postimi në Instagram, Gregu teksa ka falënderuar mjekët dhe infermierët e spitalit “Shefqet Ndroqi” për kujdesin e treguar, tregon se, trajtimin kundër COVID e ka vijuar në shtëpi.
Mes të tjerash, ai bën me dije se iu desh kjo ndodhi që t’i shtohej akoma më shumë respekti për bluzat e bardha dhe ata që janë në vijën e parë të zjarrit.
Mesazhi i djalit të kryeministrit Rama, Greg Rama në Instagram:
“Një falënderim mjekëve që u kujdesën për mua dhe mbi të gjitha respekt për mjekët dhe infermieret e Senatoriumit.
Ndjej detyrimin t’ua shpreh publikisht në kushtet kur realisht po punojnë nën një stres të paparë dhe çfarë nuk po detyrohen të dëgjojnë!
Për fat të mirë pas analizave që më morën në spital dhe trajtimit që mora në shtëpi ndjehem shumë më mirë fizikisht dhe mendërisht.
U desh kjo ndodhi që të më rritej akoma më tepër respekti dhe besimi tek ata të cilët ndodhen në çdo orë e minutë në vijën e parë të zjarrit, në këtë luftë! Uroj të shkuara dhe shërim sa më të shpejtë gjithë atyre që po përballen me këtë virus të pabesë!”
/GazetaReforma.com/
