Ditën e sotme kryeministri Rama ka zhvilluar një një konferncë ku kryesisht vëmendja pëgjatë fjalës së tij i është kushtuar SPAK-ut. Rama i është përgjigjur kreut të SPAK Arben Kraja, i cili tha se hetimet nuk mund të nisin në bazë të deklaratave politike, por vetëm përmes kallëzimeve.
Gjithashtu kryeministri tha se PS nuk do të shndërrohet në një parti që bën padi në gjykatë, ndërkohë që pati një marrëdhënie të dyzuar për drejtuesin e SPAK. “Çfarë kërkon Arben Kraja nga unë sot kur këtë gjykatëse e ka në listë këtu me 462 mijë euro të pajustifikuara dhe me një akt haptazi të paligjshëm atje. Çfarë kallëzimi kërkon nga unë? Kam shumë respekt për Arben Krajën, drejtuesin e SPAK dhe kam respekt për punën që ka bërë deri tani. Kam respekt për goditjet që ka bërë në oborrin e PS-së dhe goditjet ndaj krimit të organizuar. Të bëjmë ne kallëzim për non-gratën? Ka dalë një akuzë që ëhstë më e rëndë se akuza e çdo gjykate dhe është bërë një vorbullë e madhe diskutimi, marrin nëpër gojë ambasadoren amerikane, sekretarin e shtetit”, u shpreh Rama. Ai deklaroi se ka qenë gjithmonë kundër depozitimit të kallëzimeve nga partitë politike.
“Këtë (kallëzimet e partive) avokat Ngjela e quante lajthitje në object. Partitë politike që bëjnë kallëzime janë një devijacion i madh. Kam qenë gjithmonë kundër këtyre gjërave edhe kur ishim në opozitë. Nuk ndodh në asnjë vend të botës që partitë politike të bëjnë kallëzime. Edhe ne kemi bërë kallëzime. Madje edhe së fundmi kryetari i grupit të PS-së ka bërë kallëzim. Nëse ne ndërtuam një prokurori Speciale, ne nuk e ndërtuam që të dëgjojmë të njëjtën histori që kemi dëgjuar gjithë jetën “jo se s’kemi kallëzim”. Shko në një vend tjetër dhe shiko se çndodh pa kallëzim fare, nëse një qytetar nxjerr një fakt trondinës”, deklaroi më tej Rama.
